Yswiriant Gwladol Gwirfoddol
Trosolwg
Os na fyddwch yn talu Yswiriant Gwladol, mae’n bosibl y bydd gennych fylchau yn eich cofnod Yswiriant Gwladol. Gallai hyn fod oherwydd:
-
roeddech yn gyflogedig, ond ag enillion isel
-
roeddech yn ddi-waith ac nid oeddech yn hawlio budd-daliadau
-
roeddech yn hunangyflogedig, ond na wnaethoch dalu cyfraniadau o ganlyniad i elw bychan
-
roeddech yn byw neu’n gweithio y tu allan i’r DU
Mae’r canllaw hwn hefyd ar gael yn Saesneg.
Gall bylchau olygu na fydd gennych ddigon o flynyddoedd o gyfraniadau Yswiriant Gwladol er mwyn:
-
cael Pensiwn y Wladwriaeth (a elwir weithiau yn ‘flynyddoedd cymhwysol’)
Mae’n bosibl y byddwch yn gallu llenwi unrhyw fylchau drwy wneud cyfraniadau gwirfoddol.
Pwy na all dalu cyfraniadau gwirfoddol
Ni allwch dalu cyfraniadau gwirfoddol os:
-
nid oes gennych fylchau yn eich cofnod Yswiriant Gwladol – oni bai eich bod yn cael credydau Dosbarth 3 ac yn gymwys i dalu cyfraniadau Dosbarth 2
-
rydych yn fenyw briod neu’n weddw sy’n talu Yswiriant Gwladol ar gyfradd is (yn agor tudalen Saesneg)
-
yw’r dyddiad cau ar gyfer talu cyfraniadau am y cyfnod sydd â bylchau wedi pasio
Gwirio’ch cofnod am fylchau
Gwiriwch eich cofnod Yswiriant Gwladol i gael gwybod:
-
a oes gennych unrhyw fylchau
-
faint y bydd yn ei gostio i dalu cyfraniadau gwirfoddol
-
a fyddech yn elwa o dalu cyfraniadau gwirfoddol
-
a allwch dalu ar-lein
Os oes gennych fylchau yn eich cofnod Yswiriant Gwladol, gwiriwch a ydych yn gymwys i gael credydau Yswiriant Gwladol cyn penderfynu talu cyfraniadau gwirfoddol.
Cysylltwch â Chyllid a Thollau EF (CThEF) os ydych yn credu bod eich cofnod Yswiriant Gwladol yn anghywir.
Penderfynu a ydych am dalu cyfraniadau gwirfoddol
Nid yw cyfraniadau gwirfoddol bob amser yn cynyddu’ch Pensiwn y Wladwriaeth, er enghraifft os cawsoch eich contractio allan.
Os ydych o dan oedran Pensiwn y Wladwriaeth, gwiriwch ragolwg o’ch Pensiwn y Wladwriaeth i weld a fyddwch yn elwa o dalu cyfraniadau gwirfoddol. Gallwch hefyd gysylltu â Chanolfan Pensiwn y Dyfodol.
Os ydych wedi cyrraedd oedran Pensiwn y Wladwriaeth, cysylltwch â’r Gwasanaeth Pensiwn i weld a fyddwch yn elwa o dalu cyfraniadau gwirfoddol.
Os ydych yn byw neu’n gweithio dramor a’ch bod dros oedran Pensiwn y Wladwriaeth, neu o fewn 6 mis o’i gyrraedd, cysylltwch â’r Ganolfan Pensiynau Rhyngwladol (yn agor tudalen Saesneg) i gael cyngor.
Pam efallai yr hoffech dalu cyfraniadau gwirfoddol
Mae’n bosibl y byddwch am dalu cyfraniadau gwirfoddol oherwydd:
-
rydych yn agos at oedran Pensiwn y Wladwriaeth (yn agor tudalen Saesneg) ac nid oes gennych ddigon o flynyddoedd cymhwysol i gael eich Pensiwn y Wladwriaeth, neu i’w gynyddu
-
rydych yn gwybod na fyddwch yn gallu cael y blynyddoedd cymhwysol sydd eu hangen arnoch i gael Pensiwn y Wladwriaeth llawn yn ystod eich bywyd gwaith
-
rydych yn hunangyflogedig ac mae gennych elw blynyddol o lai na £6,725
-
rydych yn byw y tu allan i’r DU, ond hoffech fod yn gymwys i gael budd-daliadau penodol neu Bensiwn y Wladwriaeth
-
nad ydych yn gymwys i gael credydau Yswiriant Gwladol
Pobl hunangyflogedig gyda swyddi penodol
Nid yw pawb yn cael eu cyfraniadau Dosbarth 2 wedi’u trin fel pe baent wedi’u talu, ond efallai y bydd y bobl hyn am dalu cyfraniadau gwirfoddol. Mae’r swyddi hyn fel a ganlyn:
-
arholwr, safonwr, goruchwyliwr neu berson sy’n gosod cwestiynau arholiad
-
landlord sy’n gymwys i dalu Yswiriant Gwladol Dosbarth 2 (yn agor tudalen Saesneg)
-
weinidog yr efengyl nad yw’n cael cyflog na thâl
-
person sy’n gwneud buddsoddiadau ar ei gyfer ei hun neu ar gyfer pobl eraill – ond nid fel busnes, a heb gael ffi na chomisiwn