Mae ardrethi busnes yn cael eu codi ar y rhan fwyaf o eiddo annomestig, megis: siopau swyddfeydd tafarndai warysau ffatrïoedd llety gwyliau neu dai gwesteion Mae’n debygol y bydd yn rhaid i chi dalu ardrethi busnes os ydych yn defnyddio adeilad, neu ran o adeilad, at ddibenion annomestig. Mae’r canllaw hwn hefyd ar gael yn Saesneg (English) . Ymdrinnir ag ardrethi busnes mewn ffordd wahanol os yw’r canlynol yn berthnasol: mae’ch eiddo yn yr Alban mae’ch eiddo yng Ngogledd Iwerddon Yr hyn sydd i’w dalu a phryd Bob blwyddyn, bydd eich cyngor lleol yn anfon bil ardrethi busnes atoch ym mis Chwefror neu ym mis Mawrth. Mae hyn ar gyfer y flwyddyn dreth ddilynol. Gallwch hefyd amcangyfrif eich bil ardrethi busnes . Gallwch gael help gydag ardrethi busnes gan: eich cyngor, os oes gennych gwestiynau am eich bil asiantaeth y Swyddfa Brisio, os ydych yn credu bod eich ‘gwerth ardrethol’ yn anghywir Cynlluniau rhyddhad Mae’n bosibl y gallwch ostwng eich bil drwy gael rhyddhad ardrethi busnes gan eich cyngor lleol. Weithiau, mae hyn yn digwydd yn awtomatig, ond efallai y bydd angen i chi wneud cais. Mae’r broses hon yn ddibynnol ar y canlynol: mae’ch eiddo yng Nghymru mae’ch eiddo yn Lloegr Pwy sydd ddim yn gorfod talu Mae rhai eiddo wedi’u heithrio rhag ardrethi busnes , er enghraifft adeiladau fferm neu leoedd a ddefnyddir er lles pobl anabl. Os ydych yn berchen ar stabl Fel arfer mae angen i chi dalu ardrethi busnes ar eich stablau, oni bai eich bod yn defnyddio’ch ceffylau ar gyfer ffermio. Os yw’ch stablau yn eich gardd, gallwch dalu Treth Gyngor yn lle ardrethi busnes. Cysylltwch ag Asiantaeth y Swyddfa Brisio i wirio pa un y dylech ei thalu.

Sut y cyfrifir eich ardrethi

Mae ardrethi busnes yn seiliedig ar ‘werth ardrethol’ eich eiddo. Amcangyfrif gan Asiantaeth y Swyddfa Brisio yw hwn o’r hyn y bydd yn ei gostio ar 1 Ebrill 2021 i rentu eiddo am flwyddyn. Sut i amcangyfrif eich bil ardrethi busnes . Mae’n bosibl y bydd eich bil yn cael ei ostwng os yw’ch eiddo yn gymwys i gael rhyddhad ardrethi busnes . Mae ardrethi busnes yn cael eu trin yn wahanol os yw’ch eiddo yn yr Alban neu os yw’ch eiddo yng Ngogledd Iwerddon . Os ydych yn credu bod eich cyfraddau’n anghywir Os ydych chi’n credu bod eich cyfraddau’n anghywir, defnyddiwch eich cyfrif prisio ardrethi busnes i roi gwybod y canlynol i’r VOA : bod angen newid manylion eich eiddo (megis maint arwynebedd llawr a pharcio) bod eich gwerth ardrethol yn rhy uchel yn eich barn chi Os gofynnir i chi ddarparu gwybodaeth o ran rhentu Efallai y bydd Asiantaeth y Swyddfa Brisio yn gofyn i chi ddarparu gwybodaeth o ran rhentu mewn perthynas â’ch eiddo , a hynny er mwyn iddi allu cyfrifo’i werth ardrethol. Cysylltwch ag Asiantaeth y Swyddfa Brisio os oes angen rhagor o amser arnoch i anfon eich gwybodaeth o ran rhentu.

Wrth ailbrisio, mae Asiantaeth y Swyddfa Brisio ( VOA ) yn diweddaru gwerth ardrethol eiddo busnes i adlewyrchu newidiadau yn y farchnad eiddo. Daeth yr ailbrisiad diweddaraf i rym yng Nghymru a Lloegr ar 1 Ebrill 2023, yn seiliedig ar werthoedd ardrethol o 1 Ebrill 2021. Gallwch ddod o hyd i’ch prisiad ardrethi busnes ar-lein . Mae ardrethi busnes yn cael eu trin yn wahanol os yw’ch eiddo yn yr Alban neu os yw’ch eiddo yng Ngogledd Iwerddon . Yr hyn sy’n digwydd yn ystod ailbrisiad Wrth ailbrisio: mae gwerth ardrethol newydd yn cael ei roi i bob eiddo adolygir y lluosyddion (safonol a busnesau bach) Mae hyn yn golygu nad yw newid yn eich gwerth ardrethol bob amser yn golygu y bydd newid yn eich bil. Er mwyn sicrhau bod eich prisiadau yn gywir, mae’n bosibl y bydd y VOA yn gofyn i chi am fanylion rhent a phrydles ar gyfer eich eiddo. Cael rhyddhad ardrethi busnes Mae’n bosibl y gallwch gael gostyngiad gan eich cyngor lleol os ydych yn gymwys i gael rhyddhad rhag ardrethi busnes . Er enghraifft, mae’n bosibl y gallech gael: rhyddhad trosiannol rhyddhad i fusnesau bach rhyddhad ar gyfer eiddo manwerthu, lletygarwch a hamdden

Os yw’ch busnes neu safle yn newid

Gallai’ch ardrethi busnes newid os: rydych yn symud neu’n gwneud newidiadau i’ch safle mae natur eich busnes yn newid rydych yn is-osod rhan o’ch eiddo rydych yn cyfuno 2 eiddo neu fwy yn 1 Rhowch wybod i Asiantaeth y Swyddfa Brisio ( VOA ) am newidiadau er mwyn sicrhau eich bod yn talu’r swm cywir. Bydd rhoi gwybod am newidiadau hefyd yn sicrhau nad ydych yn talu gormod nac yn cael cynnydd wedi’i ôl-ddyddio yn eich bil. Mae ardrethi busnes yn cael eu trin yn wahanol os yw’ch eiddo yn yr Alban neu os yw’ch eiddo yng Ngogledd Iwerddon . Os yw’ch safle yn cael ei effeithio gan darfiad lleol Mae’n bosibl y byddwch yn cael gostyngiad dros dro yn eich ardrethi busnes os bydd digwyddiad lleol difrifol yn effeithio ar eich safle (megis llifogydd, gwaith adeiladu neu waith ffordd). Rhowch wybod i’r VOA am newidiadau. Sut i roi gwybod am newidiadau Gallwch roi gwybod am newidiadau gan ddefnyddio’ch cyfrif prisio ardrethi busnes .

Fel rheol, nid oes rhaid i chi dalu ardrethi busnes ar gyfer busnes sy’n cael ei redeg o’r cartref os ydych: yn defnyddio rhan fach o’ch cartref ar gyfer eich busnes, er enghraifft os ydych yn defnyddio ystafell wely fel swyddfa yn gwerthu nwyddau drwy’r post Mae’n bosibl y bydd angen i chi dalu ardrethi busnes yn ogystal â Threth Gyngor os yw’r canlynol yn wir: mae’ch eiddo yn rhannol yn fusnes ac yn rhannol ddomestig, er enghraifft os ydych yn byw uwchben eich siop rydych yn gwerthu nwyddau neu wasanaethau i bobl sy’n ymweld â’ch eiddo rydych yn cyflogi pobl eraill i weithio yn eich eiddo rydych wedi gwneud newidiadau i’ch cartref ar gyfer eich busnes, er enghraifft trosi garej yn siop trin gwallt Cysylltwch ag Asiantaeth y Swyddfa Brisio ( VOA ) i gael gwybod a ddylech fod yn talu ardrethi busnes. Yn yr Alban, cysylltwch â’ch asesydd lleol . Yng Ngogledd Iwerddon, cysylltwch â’r Gwasanaethau Tir ac Eiddo .

Tafarndai a masnach drwyddedig

Os ydych yng Nghymru a Lloegr, Asiantaeth y Swyddfa Brisio ( VOA ) sy’n cyfrifo’ch gwerth ardrethol gan ddefnyddio ‘trosiant cynaliadwy teg’. Dyma’r lefel flynyddol o fasnach (heb gynnwys TAW ) y mae disgwyl i’ch tafarn ei chyflawni os yw’n cael ei rhedeg mewn ffordd resymol o effeithlon. Mae’n seiliedig ar y canlynol: y math o dafarn neu safle trwyddedig yr ardal y mae ynddi gwybodaeth a phatrymau eich masnach y gwasanaethau y mae’n ei chynnig, er enghraifft bwyd, gemau neu ddangos chwaraeon ar sgrîn faint o rent rydych yn ei dalu unrhyw incwm a wnewch o letya rhenti a throsiant tafarndai eraill Yna, mae’r VOA yn cymhwyso canran i gyfrifo’r gwerth ardrethol. Cytunir ar y canrannau â grwpiau’r diwydiant, gan gynnwys Cymdeithas Gwrw a Thafarndai Prydain (British Beer and Pub Association). Gallwch ddod o hyd i’r canrannau yng nghanllaw cymeradwy prisio tafarndai y VOA . Gallwch ddod o hyd i’ch prisiad ardrethi busnes ar-lein . Os ydych am wirio’r ffigurau y mae’r VOA yn eu defnyddio neu os nad ydych yn cytuno â’r prisiad, gallwch gofrestru neu sefydlu cyfrif prisio ardrethi busnes neu gysylltu â’r VOA . Rhyddhad ardrethi busnes i dafarndai a masnach drwyddedig Mae’n bosibl eich bod yn gymwys i gael rhyddhad ardrethi busnes os yw’r canlynol yn wir am eich busnes: mae’n dafarn, bar, bwyty neu gaffi eich busnes chi yw’r unig dafarn mewn ardal wledig mae’ch busnes yn fusnes bach Os yw’ch safle trwyddedig yn yr Alban Yn yr Alban, eich asesydd lleol sy’n cyfrifo’ch gwerth ardrethol. Cysylltwch â’ch asesydd lleol os ydych am wirio’r ffigurau mae’n eu defnyddio neu os nad ydych yn cytuno â’r ffigurau sy’n cael eu defnyddio. Os yw’ch eiddo trwyddedig yng Ngogledd Iwerddon Yng Ngogledd Iwerddon, mae’r Gwasanaethau Tir ac Eiddo ( LPS ) yn cyfrifo’ch ardrethi busnes. Darllenwch ragor ynghylch y ffordd y mae LPS yn prisio tafarndai ac eiddo trwyddedig eraill yng Ngogledd Iwerddon .

Llety hunanddarpar a llety gwyliau ar osod

Mae’r angen i dalu ardrethi busnes yn dibynnu ar y nifer y nosweithiau y mae’ch eiddo ar gael i’w osod bob blwyddyn a sawl noson cafodd eich eiddo ei roi ar osod mewn gwirionedd. Bydd Asiantaeth y Swyddfa Brisio (VOA) yn cyfrifo gwerth ardrethol eich eiddo yn seiliedig ar y math o eiddo sydd dan sylw, ei faint, lleoliad, ansawdd, a faint o incwm rydych yn debygol o’i gael o’i osod. Os mai dim ond un eiddo rydych yn ei osod, a bod ei werth ardrethol yn llai na £15,000, efallai y byddwch yn gymwys i gael rhyddhad ardrethi ar gyfer busnesau bach . Mae rheolau gwahanol os yw’ch eiddo yn yr Alban neu os yw’ch eiddo yng Ngogledd Iwerddon . Rheolau hyd nes 31 Mawrth 2023 Os yw’ch eiddo yn Lloegr ac ar gael i’w osod am gyfnodau byr am o leiaf 140 noson y flwyddyn, bydd yn cael ei ystyried i fod yn eiddo hunanddarpar a bydd yn cael ei brisio at ddibenion ardrethi busnes. Os yw’ch eiddo yng Nghymru bydd yn cael ei ystyried i fod yn eiddo hunanddarpar ac yn cael ei brisio at ddibenion ardrethi busnes os yw’r canlynol yn wir: mae ar gael i’w osod am gyfnodau byr am o leiaf 140 noson bob blwyddyn mae’n cael ei roi ar osod mewn gwirionedd am o leiaf 70 diwrnod bob blwyddyn Rheolau o 1 Ebrill 2023 ymlaen Os yw’ch eiddo yn Lloegr bydd yn cael ei ystyried i fod yn eiddo hunanddarpar ac yn cael ei brisio at ddibenion ardrethi busnes os yw’r canlynol yn wir: mae ar gael i’w osod am gyfnodau byr sy’n dod i gyfanswm o 140 noson, o leiaf, yn ystod y flwyddyn dreth bresennol a blynyddoedd treth blaenorol mae wedi’i roi ar osod mewn gwirionedd am o leiaf 70 diwrnod yn ystod y 12 mis diwethaf Os yw’ch eiddo yng Nghymru bydd yn cael ei ystyried yn eiddo hunanddarpar ac yn cael ei brisio ar gyfer ardrethi busnes os yw pob un o’r canlynol yn wir: mae ar gael i’w osod am gyfnodau byr sy’n dod i gyfanswm o 252 noson, o leiaf, yn ystod y flwyddyn dreth bresennol a blynyddoedd treth blaenorol mae wedi’i roi ar osod mewn gwirionedd am o leiaf 182 diwrnod yn ystod y 12 mis diwethaf

Ardrethi busnes

Q: Help gydag ardrethi busnes

Mae’n bosibl y byddwch yn gallu cael gostyngiad gan eich cyngor lleol ar eich ardrethi busnes os ydych yn gymwys ar gyfer un neu fwy o gynlluniau rhyddhad ardrethi busnes . I gael help gyda gwerth ardrethol eich eiddo, cysylltwch ag Asiantaeth y Swyddfa Brisio ( VOA ). I gael help gyda’ch bil ardrethi busnes (er enghraifft i dalu fesul rhandaliad) neu ryddhad ardrethi, cysylltwch â’ch cyngor . Cael cyngor proffesiynol Gallwch hefyd gael help gan syrfëwr trethu cymwys drwy un o’r sefydliadau canlynol: Sefydliad Brenhinol y Syrfewyr Siartredig ( RICS ) Y Sefydliad Ardrethu a Phrisio Refeniw ( IRRV ) Cymdeithas y Syrfewyr Ardrethu Mae’n bosibl y codir tâl arnoch am unrhyw gyngor a gewch gan syrfëwr trethu o’r cychwyn cyntaf. Gallwch gael cyngor gan sefydliad sy’n rhan o gynllun llinell gymorth RICS . Mae 30 munud cyntaf yr alwad ymgynghorol yn rhad ac am ddim.

Trosolwg

Mae ardrethi busnes yn cael eu codi ar y rhan fwyaf o eiddo annomestig, megis:

siopau
swyddfeydd
tafarndai
warysau
ffatrïoedd
llety gwyliau neu dai gwesteion

Mae’n debygol y bydd yn rhaid i chi dalu ardrethi busnes os ydych yn defnyddio adeilad, neu ran o adeilad, at ddibenion annomestig.

Mae’r canllaw hwn hefyd ar gael yn Saesneg (English).

Ymdrinnir ag ardrethi busnes mewn ffordd wahanol os yw’r canlynol yn berthnasol:

Yr hyn sydd i’w dalu a phryd

Bob blwyddyn, bydd eich cyngor lleol yn anfon bil ardrethi busnes atoch ym mis Chwefror neu ym mis Mawrth. Mae hyn ar gyfer y flwyddyn dreth ddilynol. Gallwch hefyd amcangyfrif eich bil ardrethi busnes.

Gallwch gael help gydag ardrethi busnes gan:

eich cyngor, os oes gennych gwestiynau am eich bil
asiantaeth y Swyddfa Brisio, os ydych yn credu bod eich ‘gwerth ardrethol’ yn anghywir

Cynlluniau rhyddhad

Mae’n bosibl y gallwch ostwng eich bil drwy gael rhyddhad ardrethi busnes gan eich cyngor lleol. Weithiau, mae hyn yn digwydd yn awtomatig, ond efallai y bydd angen i chi wneud cais.

Mae’r broses hon yn ddibynnol ar y canlynol:

Pwy sydd ddim yn gorfod talu

Mae rhai eiddo wedi’u heithrio rhag ardrethi busnes, er enghraifft adeiladau fferm neu leoedd a ddefnyddir er lles pobl anabl.

Os ydych yn berchen ar stabl

Fel arfer mae angen i chi dalu ardrethi busnes ar eich stablau, oni bai eich bod yn defnyddio’ch ceffylau ar gyfer ffermio.

Os yw’ch stablau yn eich gardd, gallwch dalu Treth Gyngor yn lle ardrethi busnes. Cysylltwch ag Asiantaeth y Swyddfa Brisio i wirio pa un y dylech ei thalu.

Argraffu'r canllaw cyfan

Ardrethi busnes

Trosolwg

Yr hyn sydd i’w dalu a phryd

Cynlluniau rhyddhad

Pwy sydd ddim yn gorfod talu

Os ydych yn berchen ar stabl

Is this page useful?

Help us improve GOV.UK

Help us improve GOV.UK

Cookies on GOV.UK

Ardrethi busnes

Trosolwg

Yr hyn sydd i’w dalu a phryd

Cynlluniau rhyddhad

Pwy sydd ddim yn gorfod talu

Os ydych yn berchen ar stabl

Cynnwys cysylltiedig

Is this page useful?

Help us improve GOV.UK

Help us improve GOV.UK