Lwfans Gweini
Sut i wneud cais
Gallwch wneud cais am Lwfans Gweini ar-lein neu drwy’r post.
Mae yna ffordd wahanol o wneud cais:
-
os ydych yn nesáu at ddiwedd oes (er enghraifft, oherwydd bod gennych salwch sy’n cyfyngu ar fywyd)
I wneud cais, byddwch angen:
- eich rhif Yswiriant Gwladol
- eich cyfeiriad a manylion cyswllt
- manylion o’r anabledd neu gyflwr iechyd rydych angen cymorth ychwanegol gyda hwy
- manylion meddygfa eich Meddyg Teulu neu ganolfan meddygol
- manylion eich cartref gofal, ysbyty neu hosbis os ydych yn aros mewn un ar hyn o bryd
Gwneud cais ar-lein
Bydd y gwasanaeth newydd yn derbyn nifer cyfyngedig o geisiadau pob wythnos.
Ni allwch wneud cais ar-lein os ydych:
- yn benodai
- gyda pŵer atwrnai
Gwneud cais trwy’r post
Gallwch wneud cais drwy naill ai:
- argraffu a chyflwyno’r ffurflen gais Lwfans Gweini
- Cysylltu â’r llinell gymorth i ofyn am ffurflen gais
Llinell gymorth Lwfans Gweini
Ffôn: 0800 731 0122
Ffôn testun: 0800 731 0317
Relay UK (os na allwch glywed na siarad dros y ffôn): 18001 yna 0800 731 0122
Gwasanaeth cyfnewid fideo Iaith Arwyddion Prydain (BSL) os ydych ar gyfrifiadur – darganfyddwch sut i ddefnyddio’r gwasanaeth ar ffôn symudol neu lechen
Dydd Llun i ddydd Gwener, 8am i 6pm
Darganfyddwch fwy am gostau galwadau
Oriau agor llinell gymorth dros y Nadolig a’r Flwyddyn Newydd
| Dyddiad | Amseroedd agor |
|---|---|
| Dydd Llun 23 Rhagfyr 2024 | Ar agor rhwng 8am a 6pm |
| Dydd Mawrth 24 Rhagfyr 2024 | Ar agor rhwng 8am a 5pm |
| Dydd Mercher 25 Rhagfyr 2024 | Ar gau |
| Dydd Iau 26 Rhagfyr 2024 | Ar gau |
| Dydd Gwener 27 Rhagfyr 2024 | Ar gau |
| Dydd Llun 30 Rhagfyr 2024 | Ar agor rhwng 8am a 6pm |
| Dydd Mawrth 31 Rhagfyr 2024 | Ar agor rhwng 8am a 5pm |
| Dydd Mercher 1 Ionawr 2025 | Ar gau |
| Dydd Iau 2 Ionawr 2025 | Ar agor rhwng 8am a 6pm |
Ble i anfon y ffurflen
Anfonwch y ffurflen wedi’i chwblhau i:
Freepost DWP Attendance Allowance
Peidiwch ag ysgrifennu unrhyw beth ac eithrio’r cyfeiriad rhadbost ar yr amlen. Nid oes angen cod post na stamp arnoch.
Daw’r ffurflen gyda nodiadau yn dweud wrthych sut i’w chwblhau.
Ar ôl i chi wneud cais
Ar ôl i chi anfon eich cais, byddwch yn derbyn neges testun neu llythyr o fewn 3 wythnos sy’n esbonio pryd gallwch ddisgwyl cael penderfyniad.
Pan mae penderfyniad wedi cael ei wneud, byddwch yn derbyn llythyr yn esbonio’r canlyniad.
Pryd y byddwch yn cael eich talu
Os ydych yn cael dyfarniad o Lwfans Gweini, bydd y llythyr penderfyniad yn dweud wrthych pryd y byddwch yn cael eich taliad cyntaf.
Os ydych yn gwneud cais ar-elin, bydd eich cais yn dechrau ar y dyddiad rydych yn gwneud eich cais.
Os ydych yn argraffu ac yn anfon y ffurflen drwy’r post, bydd eich cais yn dechrau ar y dyddiad mae’r Adran Gwaith a Phensiynau (DWP) yn ei derbyn.
Os ydych yn ffonio’r llinell gymorth i gael ffurflen, bydd eich cais yn dechrau ar ddyddiad eich galwad ffôn (os byddwch yn dychwelyd y ffurflen o fewn 6 wythnos).
Os ydych yn anghytuno â phenderfyniad
Gallwch herio penerfyniad am eich cais. Gelwir hyn yn gofyn am ailystyriaeth orfodol.
Cwynion
Gallwch gwyno i’r DWP os ydych yn anfodlon gyda’r gwasanaeth a gawsoch.