Mae’n bosibl y byddwch yn gallu hawlio rhyddhad treth ar gyfer costau ychwanegol yr aelwyd os ydych yn gweithio gartref am yr wythnos gyfan, neu am ran o’r wythnos. Pwy all hawlio rhyddhad treth Gallwch hawlio rhyddhad treth os oes rhaid i chi weithio gartref, er enghraifft oherwydd: bod eich swydd yn gofyn i chi fyw ymhell o’ch swyddfa nad oes gan eich cyflogwr swyddfa Pwy na all hawlio rhyddhad treth Ni allwch hawlio rhyddhad treth os ydych yn dewis gweithio gartref. Mae hyn yn cynnwys, os yw’r canlynol yn wir: mae eich contract cyflogaeth yn caniatáu i chi weithio gartref ychydig neu’r holl amser mae gan eich cyflogwr swyddfa, ond ni allwch fynd yno weithiau am ei fod yn llawn Yr hyn y gallwch hawlio ar ei gyfer Gallwch ond hawlio am bethau sy’n ymwneud â’ch gwaith, megis: galwadau ffôn busnes nwy a thrydan ar gyfer eich man gwaith Gallwch hawlio ar gyfer y flwyddyn dreth bresennol a’r 4 blwyddyn dreth flaenorol. Ni allwch hawlio am bethau yr ydych yn eu defnyddio at ddibenion preifat a busnes, megis rhent neu gysylltiad band eang. Faint y gallwch ei hawlio Gallwch hawlio rhyddhad treth ar y naill neu’r llall o’r canlynol: £6 yr wythnos yr union swm a wariwyd gennych Cewch ryddhad treth yn seiliedig ar y gyfradd yr ydych yn talu treth arni. Enghraifft Os ydych yn talu’r gyfradd dreth sylfaenol o 20% ac yn hawlio rhyddhad treth ar £6 yr wythnos, byddech yn cael £1.20 yr wythnos mewn rhyddhad treth (20% o £6). Sut i hawlio Os gallwch hawlio’r treuliau hyn, mae’n rhaid i chi lenwi ffurflen P87 a’i hanfon at CThEF drwy’r post. Pan fyddwch yn hawlio, bydd yn rhaid i chi anfon tystiolaeth eich bod yn gweithio gartref os yw’r canlynol yn berthnasol: rydych yn hawlio’r £6 yr wythnos ar gyfer blwyddyn dreth 2022 i 2023 neu ar ôl hynny rydych yn hawlio’r union swm a wariwyd gennych Os ydych yn hawlio’r union swm a wariwyd gennych, bydd hefyd angen i chi anfon tystiolaeth megis copi o’ch derbynebau a’ch biliau. Cyn i chi wneud hawliad dylech ddefnyddio’r gwasanaeth hwn i wirio’r canlynol: a allwch hawlio sut i hawlio Os ydych yn llenwi Ffurflen Dreth Hunanasesiad , mae’n rhaid i chi hawlio drwy’ch Ffurflen Dreth yn lle. Dechrau nawr

Gwisgoedd unffurf, dillad ac offer ar gyfer gwaith

Mae’n bosibl y byddwch yn gallu hawlio rhyddhad treth ar gyfer y costau canlynol: atgyweirio mân offer sydd eu hangen arnoch i wneud eich gwaith, neu brynu rhai newydd (er enghraifft, siswrn neu dril trydanol) glanhau neu atgyweirio dillad arbenigol, neu brynu rhai newydd (er enghraifft, oferfôls neu esgidiau diogelwch) Hawlio rhyddhad ar gyfer gwisg unffurf neu ddillad arbenigol Gallwch hawlio rhyddhad treth ar gyfer gwisg unffurf. Gwisg unffurf yw set o ddillad sy’n dangos fod gennych chi swydd benodol, er enghraifft nyrs, neu swyddog heddlu. Efallai y byddwch hefyd yn gallu hawlio am ddillad arbenigol sydd eu hangen arnoch ar gyfer gwaith, hyd yn oed os nad ydynt yn dangos fod gennych swydd benodol, er enghraifft oferôls neu esgidiau diogelwch. Ni allwch hawlio rhyddhad treth ar gyfer: y gost gychwynnol o brynu dillad ar gyfer gwaith glanhau neu atgyweirio dillad gwaith bob dydd, neu brynu rhai newydd (hyd yn oed os oes rhaid i chi wisgo dyluniad neu liw penodol) y gost o olchi eich gwisg unffurf neu ddillad arbenigol eich hun os yw’ch cyflogwr yn darparu gwasanaeth golchi dillad yn rhad ac am ddim, a’ch bod yn dewis peidio â’i ddefnyddio Cyfarpar Diogelu Personol (PPE) Ni allwch hawlio rhyddhad treth ar gyfer Cyfarpar Diogelu Personol. Os yw’ch swydd yn gofyn i chi ddefnyddio Cyfarpar Diogelu Personol dylai’ch cyflogwr wneud y naill neu’r llall o’r canlynol: rhoi Cyfarpar Diogelu Personol i chi yn rhad ac am ddim gofyn i chi ei brynu ac ad-dalu’r costau i chi Faint y gallwch ei hawlio Gallwch hawlio’r naill neu’r llall o’r canlynol: y swm gwirioneddol a wariwyd gennych swm penodedig a gytunwyd arno (‘traul gyfradd unffurf’ neu ‘didyniad cyfradd unffurf’) Gwiriwch a oes gan eich swydd draul gyfradd unffurf (yn agor tudalen Saesneg) y cytunwyd arni. Gallwch hawlio ar gyfer y flwyddyn dreth bresennol a’r 4 blwyddyn dreth flaenorol. Sut i hawlio Mae sut yr ydych yn gwneud hawliad yn dibynnu ar y swm yr ydych yn ei hawlio. Er mwyn hawlio’r swm gwirioneddol Bydd angen i chi wneud hawliad drwy’r post gan ddefnyddio ffurflen P87 , a bydd rhaid i chi anfon copïau o’ch derbynebau, neu dystiolaeth, sy’n profi eich bod wedi talu am yr eitemau. Er mwyn hawlio swm penodedig a gytunwyd arno Os ydych yn hawlio swm sefydlog y cytunwyd arno (a ‘thraul gyfradd unffurf’ (yn agor tudalen Saesneg) ) nid oes angen i chi anfon tystiolaeth. Defnyddiwch y gwasanaeth hwn i wneud y canlynol: gwirio a allwch hawlio gwneud hawliad, os ydych yn gymwys Os ydych yn llenwi Ffurflen Dreth Hunanasesiad , mae’n rhaid i chi hawlio drwy’ch Ffurflen Dreth yn lle. Dechrau nawr

Cerbydau rydych yn eu defnyddio ar gyfer gwaith

Mae’n bosibl y byddwch yn gallu hawlio rhyddhad treth os ydych yn defnyddio ceir, faniau, beiciau neu feiciau modur ar gyfer gwaith. Nid yw hyn yn cynnwys teithio i’ch gwaith ac yn ôl, oni bai ei fod yn lleoliad gweithio dros dro. Mae faint y gallwch ei hawlio yn dibynnu ar p’un a ydych yn defnyddio’r canlynol: cerbyd yr ydych wedi ei brynu neu ei rentu ar brydles gyda’ch arian eich hunan cerbyd y mae’ch cyflogwr yn berchen arno neu’n ei roi ar brydles (cerbyd cwmni) Gallwch hawlio am y flwyddyn dreth hon a’r 4 blwyddyn dreth flaenorol, os ydych yn gymwys. Defnyddio’ch cerbyd eich hunan ar gyfer gwaith Os ydych yn defnyddio’ch cerbyd neu’ch cerbydau eich hunan ar gyfer gwaith, mae’n bosibl y gallwch hawlio rhyddhad treth ar y gyfradd milltiroedd gymeradwy. Mae hyn yn talu’r costau am fod yn berchen ar eich cerbyd, a’i redeg. Ni allwch hawlio ar wahân ar gyfer pethau megis: tanwydd trydan treth cerbyd MOT atgyweiriadau Er mwyn cyfrifo faint y gallwch ei hawlio ar gyfer bob blwyddyn dreth, bydd angen i chi wneud y canlynol: cadw cofnodion o’r dyddiadau a’r milltiroedd o’ch teithiau gwaith adio’r milltiroedd at ei gilydd ar gyfer pob math o gerbyd yr ydych wedi ei ddefnyddio ar gyfer gwaith didynnu unrhyw swm y mae’ch cyflogwr yn ei dalu tuag at eich costau, (a elwir weithiau yn ‘lwfans milltiroedd’) Cyfraddau milltiroedd cymeradwy Y 10,000 milltir busnes cyntaf yn y flwyddyn dreth Bob milltir busnes dros 10,000 yn y flwyddyn dreth Ceir a faniau 45c 25c Beiciau modur 24c 24c Beiciau 20c 20c Defnyddio car cwmni ar gyfer busnes Gallwch hawlio rhyddhad treth ar yr arian yr ydych wedi ei wario ar danwydd a thrydan ar gyfer teithiau busnes yn eich car cwmni. Cadwch gofnodion i ddangos cost wirioneddol y tanwydd. Os yw’ch cyflogwr yn ad-dalu peth o’r arian, gallwch hawlio rhyddhad ar y gwahaniaeth. Sut i hawlio Os gallwch hawlio’r treuliau hyn, mae’n rhaid i chi lenwi ffurflen P87 a’i hanfon drwy’r post i CThEF ynghyd â chopïau o’ch logiau milltiroedd. Mae’n rhaid i’r logiau milltiroedd hyn gynnwys: y rheswm dros bob taith y cod post ar gyfer man cychwyn pob taith y cod post ar gyfer pwynt terfyn pob taith Os ydych yn hawlio am fwy nag un gyflogaeth, mae’n rhaid i chi anfon copi o’ch log milltiroedd ar gyfer pob un. Cyn i chi wneud hawliad dylech ddefnyddio’r gwasanaeth hwn i wirio’r canlynol: a allwch hawlio sut i hawlio Os ydych yn llenwi Ffurflen Dreth Hunanasesiad , mae’n rhaid i chi hawlio drwy’ch Ffurflen Dreth yn lle. Dechrau nawr

Ffioedd a thanysgrifiadau proffesiynol

Gallwch hawlio rhyddhad treth ar y canlynol: ffioedd aelodaeth proffesiynol, os oes rhaid i chi dalu’r ffioedd i allu gwneud eich swydd tanysgrifiadau blynyddol rydych yn eu talu i gyrff proffesiynol neu gymdeithasau dysgedig cymeradwy (yn agor tudalen Saesneg) os yw bod yn aelod o’r corff hwnnw neu’r gymdeithas honno yn berthnasol i’ch swydd Ni allwch hawlio rhyddhad treth ar danysgrifiadau aelodaeth oes, na ffioedd aelodaeth neu danysgrifiadau blynyddol proffesiynol: nad ydych wedi talu amdanynt eich hunan (er enghraifft, os yw’ch cyflogwr wedi eu talu) rydych wedi ei dalu i sefydliadau proffesiynol sydd heb eu cymeradwyo gan CThEF Gall eich sefydliad roi gwybod i chi faint o dreth y caniateir i chi ei hawlio’n ôl. Gallwch hawlio ar gyfer y flwyddyn dreth bresennol a’r 4 blwyddyn dreth flaenorol. Sut i hawlio Os gallwch hawlio’r treuliau hyn, mae’n rhaid i chi lenwi ffurflen P87 a’i hanfon at CThEF drwy’r post. Ynghyd â’ch ffurflen, mae’n rhaid i chi anfon copïau o dderbynebau, neu dystiolaeth arall, at CThEF sy’n dangos faint rydych wedi’i dalu am bob tanysgrifiad proffesiynol. Cyn i chi wneud hawliad dylech ddefnyddio’r gwasanaeth hwn i wirio’r canlynol: a allwch hawlio sut i hawlio Os ydych yn llenwi Ffurflen Dreth Hunanasesiad , mae’n rhaid i chi hawlio drwy’ch Ffurflen Dreth yn lle. Dechrau nawr

Teithio a threuliau dros nos

Os oes rhaid i chi deithio ar gyfer eich gwaith, mae’n bosibl y byddwch yn gallu hawlio rhyddhad treth ar y gost neu’r arian rydych wedi’i wario ar fwyd a threuliau dros nos. Ni allwch hawlio ar gyfer teithio i’ch gwaith ac yn ôl, oni bai eich bod yn teithio i leoliad dros dro ar gyfer gwaith. Gallwch hawlio rhyddhad treth am arian rydych wedi ei wario ar bethau megis: costau trafnidiaeth gyhoeddus cost gwesty os oes rhaid i chi aros dros nos bwyd a diod tâl atal tagfeydd a thollau ffioedd parcio galwadau ffôn busnes a chostau argraffu Efallai y byddwch hefyd yn gallu hawlio rhyddhad treth ar filltiroedd busnes. Gallwch hawlio ar gyfer y flwyddyn dreth bresennol a’r 4 blwyddyn dreth flaenorol. Sut i hawlio Os gallwch hawlio’r treuliau hyn, mae’n rhaid i chi lenwi ffurflen P87 a’i hanfon at CThEF drwy’r post. Ar gyfer treuliau gwestai a phrydau, bydd angen i chi anfon derbynebau sy’n dangos dyddiad eich arhosiad ac enw’r gwesty, neu’r hyn y gwnaethoch ei fwyta ac enw’r bwyty. Cyn i chi wneud hawliad dylech ddefnyddio’r gwasanaeth hwn i wirio’r canlynol: a allwch hawlio sut i hawlio Os ydych yn llenwi Ffurflen Dreth Hunanasesiad , mae’n rhaid i chi hawlio drwy’ch Ffurflen Dreth yn lle. Dechrau nawr

Mae’n bosibl y gallwch hawlio rhyddhad treth ar gost lawn cyfarpar sylweddol y mae’n rhaid i chi ei brynu er mwyn gwneud eich gwaith. Mae hyn oherwydd ei fod yn gymwys ar gyfer math o lwfans cyfalaf o’r enw lwfans buddsoddi blynyddol . Ni allwch hawlio lwfansau cyfalaf ar gyfer ceir, beiciau neu feiciau modur a ddefnyddir gennych ar gyfer gwaith, ond mae’n bosibl y byddwch yn gallu hawlio ar gyfer milltiroedd busnes a chostau tanwydd . Rydych yn hawlio mewn ffordd wahanol ar gyfer eitemau bach a fydd yn para am lai na 2 flynedd, megis gwisgoedd unffurf ac offer . Gallwch ond hawlio rhyddhad treth ar gyfer treuliau offer os yw’r canlynol yn wir: mae ei angen arnoch i wneud eich swydd rydych yn defnyddio’r offer ar gyfer gwaith ac nid oes unrhyw ddefnydd preifat sylweddol – mae hyn yn cynnwys defnyddio’r offer yn unol â pholisi’ch sefydliad Sut i hawlio Os gallwch hawlio’r treuliau hyn, mae’n rhaid i chi lenwi ffurflen P87 a’i hanfon at CThEF drwy’r post. Pan fyddwch yn hawlio, mae’n rhaid i chi roi gwybod i ni ar gyfer pa gyflogaeth y mae’r hawliadau, ac anfon tystiolaeth o’r hyn yr ydych wedi’i wario, megis copïau o dderbynebau. Cyn i chi wneud hawliad dylech ddefnyddio’r gwasanaeth hwn i wirio’r canlynol: a allwch hawlio sut i hawlio Dechrau nawr

Gwneud cais am ryddhad treth ar gyfer eich treuliau swydd

Trosolwg

Mae’n bosibl y gallwch hawlio rhyddhad treth os yw’r canlynol yn wir:

rydych yn defnyddio’ch arian eich hunan am bethau y mae’n rhaid i chi eu prynu ar gyfer eich swydd
dim ond ar gyfer eich gwaith rydych yn defnyddio’r pethau hyn

Ni allwch hawlio rhyddhad treth os yw’ch cyflogwr yn rhoi un o’r canlynol i chi:

yr holl arian yn ôl
rhywbeth arall, er enghraifft mae’ch cyflogwr yn rhoi gliniadur i chi ond rydych eisiau math neu fodel gwahanol

Os yw’ch cyflogwr wedi talu rhywfaint o’ch treuliau, gallwch hawlio rhyddhad treth ar y swm nas talwyd ganddo.

Mae’r canllaw hwn hefyd ar gael yn Saesneg.

Mae’n rhaid i chi fod wedi talu treth yn ystod y flwyddyn rydych yn hawlio ar ei chyfer. Ni all swm y rhyddhad treth y gallwch ei gael fod yn fwy na swm y dreth a dalwyd gennych yn y flwyddyn dreth honno.

Cewch ryddhad treth yn seiliedig ar yr hyn rydych wedi’i wario a’r gyfradd yr ydych yn talu treth arni.

Enghraifft

Os ydych yn hawlio £60 ac yn talu treth ar gyfradd o 20% yn y flwyddyn honno, rydych yn gymwys i gael swm o £12 (20% o £60).

Os ydych yn hawlio ar gyfer y flwyddyn dreth bresennol, bydd Cyllid a Thollau EF (CThEF) fel arfer yn addasu’ch cod treth fel eich bod yn talu llai o dreth.

Os ydych yn hawlio ar gyfer blynyddoedd treth blaenorol, bydd CThEF naill ai’n addasu’ch cod treth neu’n rhoi ad-daliad treth i chi.

Sut i hawlio

Mae sut yr ydych yn hawlio yn dibynnu ar yr hyn yr ydych yn ei hawlio. Dysgwch a ydych yn gymwys i hawlio rhyddhad treth a sut i wneud hynny:

os ydych yn gweithio gartref
ar gyfer gwisgoedd unffurf, dillad ac offer ar gyfer gwaith
ar gyfer cerbydau rydych yn eu defnyddio ar gyfer gwaith
ar ffioedd a thanysgrifiadau proffesiynol
ar dreuliau teithio ac aros dros nos
ar gyfer prynu offer arall

Os ydych yn llenwi Ffurflen Dreth Hunanasesiad, mae’n rhaid i chi hawlio drwy’ch Ffurflen Dreth yn lle.

Os ydych yn amcangyfrif eich treuliau swydd

Erbyn diwedd y flwyddyn dreth, os yw’r swm gwirioneddol a wariwyd gennych yn wahanol i’r swm amcangyfrifedig a wnaethoch ei hawlio, mae’n rhaid i chi roi gwybod i CThEF drwy un o’r dulliau canlynol:

llenwi ffurflen bost os yw’r swm gwirioneddol yn uwch – bydd angen i chi anfon tystiolaeth
ffonio’r llinell gymorth os yw’r swm gwirioneddol yn is na’r amcangyfrif

Argraffu'r canllaw cyfan

Gwneud cais am ryddhad treth ar gyfer eich treuliau swydd

Trosolwg

Sut i hawlio

Os ydych yn amcangyfrif eich treuliau swydd

Is this page useful?

Help us improve GOV.UK

Help us improve GOV.UK

Cookies on GOV.UK

Gwneud cais am ryddhad treth ar gyfer eich treuliau swydd

Trosolwg

Sut i hawlio

Os ydych yn amcangyfrif eich treuliau swydd

Is this page useful?

Help us improve GOV.UK

Help us improve GOV.UK