Ffioedd trwydded yrru
Mae’r ffi yn dibynnu ar os ydych am:
- gael eich trwydded Brydain Fawr lawn neu dros dro gyntaf
- gael un amnewid os yw eich un chi ar goll, wedi’i dwyn, wedi’i difrodi neu wedi’i dinistrio
- newid eich enw, cyfeiriad neu ffotograff
- adnewyddu trwydded yrru
- ychwanegu, adnewyddu neu ddileu hawl
- cyfnewid trwydded yrru, er enghraifft cyfnewid trwydded bapur am un cerdyn-llun
- cael eich trwydded yn ôl ar ôl iddi gael ei chymryd i ffwrdd, er enghraifft os ydych wedi cael eich gwahardd
Mae’r dudalen hon hefyd ar gael yn Saesneg (English).
Am geisiadau drwy’r post, mae sieciau ac archebion post yn daladwy i DVLA. Mae’r cyfeiriad yn dibynnu ar yr hyn rydych yn gwneud cais amdano.
Ni dderbynnir sieciau sydd wedi cael eu difetha neu eu newid.
Mae gwahanol ffioedd trwydded yrru yng Ngogledd Iwerddon.
Cael eich trwydded yrru Prydain Fawr gyntaf
| Gwneud cais ar-lein | Gwneud cais drwy’r post | |
|---|---|---|
| Trwydded dros dro gyntaf - car, beic modur, moped | £34 | £43 |
| Trwydded yrru lawn gyntaf ar ôl pasio eich prawf gyrru | Amh | Am ddim - £17 i ddefnyddio ffotograff gwahanol i’ch trwydded dros dro |
| Cyfnewid trwydded Prydain Fawr lawn gyntaf am drwydded lawn o’r Gymuned Ewropeaidd, yr Ardal Economaidd Ewropeaidd neu drwydded dramor ddynodedig arall | Amh | £43 |
Amnewid trwydded sydd ar goll, wedi’i dwyn, ei difrodi neu ei dinistrio
Mae hyn yn costio £20. Rhaid ichi amnewid eich trwydded yrru os yw ar goll, wedi’i dwyn, ei difrodi neu ei dinistrio.
Newid yr enw, cyfeiriad neu ffotograff ar eich trwydded yrru cerdyn-llun
Mae’r ffi yn dibynnu ar yr hyn rydych yn ei newid a sut rydych yn ei wneud.
| Beth rydych yn ei newid | Newid ar-lein | Newid drwy’r post |
|---|---|---|
| Cyfeiriad | Am ddim | Am ddim |
| Enw | Amh | Am ddim |
| Ffotograff | £14 | £17 |
| Ffotograff ac enw ar yr un pryd | Amh | £17 |
| Ffotograff a chyfeiriad ar yr un pryd | £14 | £17 |
Adnewyddu trwydded yrru
Mae trwyddedau cerdyn-llun yn ddilys am 10 mlynedd oni nodir yn wahanol. Byddwch yn cael nodyn atgoffa i adnewyddu eich ffotograff cyn i’ch trwydded bresennol ddod i ben.
| Gwneud cais ar-lein | Gwneud cais drwy’r post | |
|---|---|---|
| Adnewyddu trwydded yrru sydd wedi dod i ben | £14 | £17 |
| Adnewyddu oherwydd rydych yn 70 oed neu’n hŷn | Am ddim | Am ddim |
Gallwch hefyd adnewyddu eich trwydded sydd wedi dod i ben mewn Swyddfa’r Post, mae’n costio £21.50.
Adnewyddu trwydded yrru feddygol cyfnod byr
Gallwch adnewyddu eich trwydded yrru feddygol cyfnod byr am ddim.
Gallwch adnewyddu ar-lein os oes gennych ddiabetes, epilepsi, clefyd Parkinson, nam ar eich golwg, cyflwr cwsg, neu gyflwr y galon.
Ychwanegu, adnewyddu neu ddileu hawl
| Gwneud cais ar-lein | Gwneud cais drwy’r post | |
|---|---|---|
| Ychwanegu hawl i drwydded lawn neu dros dro - er enghraifft, i yrru bws neu lori | Amh | Am ddim |
| Adnewyddu hawl i yrru bws neu lori | Amh | Am ddim |
| Ildio hawl i yrru bws neu lori | Amh | Am ddim |
Gallwch hefyd newid ffotograff ar yr un pryd. Mae’n costio £17.
Cyfnewid trwydded yrru bapur neu nad yw’n un Prydain Fawr
| Beth rydych yn ei chyfnewid | Gwneud cais ar-lein | Gwneud cais drwy’r post |
|---|---|---|
| Trwydded bapur am drwydded cerdyn-llun gyda newid cyfeiriad | Am ddim | Am ddim |
| Trwydded bapur am drwydded cerdyn-llun gyda newid enw | Amh | Am ddim |
| Trwydded bapur am drwydded cerdyn-llun heb newid manylion | £20 | £20 |
| Cyfnewid trwydded Gogledd Iwerddon lawn am drwydded Prydain Fawr | Amh | Am ddim |
| Trwydded lawn o’r Gymuned Ewropeaidd, yr Ardal Economaidd Ewropeaidd neu drwydded dramor ddynodedig arall, os daliwyd trwydded Prydain Fawr flaenorol | Amh | Am ddim |
| Trwydded lawn o’r Gymuned Ewropeaidd, yr Ardal Economaidd Ewropeaidd neu drwydded dramor ddynodedig arall, os na ddaliwyd trwydded Prydain Fawr flaenorol | Amh | £43 |
Cael eich trwydded yn ôl ar ôl iddi gael ei chymryd i ffwrdd
Mae’r ffi yn dibynnu ar pam y cafodd eich trwydded ei chymryd i ffwrdd a sut y cawsoch hi yn ôl.
| Sut y cawsoch eich trwydded yn ôl | Gwneud cais ar-lein | Gwneud cais drwy’r post |
|---|---|---|
| Cawsoch eich gwahardd am unrhyw reswm heblaw am yfed a gyrru | Amh | £65 |
| Cawsoch eich gwahardd am yfed a gyrru a bod angen ichi basio archwiliad meddygol gyda meddyg DVLA | Amh | £90 |
| Cawsoch eich gwahardd am yfed a gyrru ac nad oes angen ichi basio archwiliad meddygol | Amh | £65 |
| Rydych wedi cael eich trwydded yn ôl ar ôl iddi gael ei diddymu o dan y Ddeddf Gyrwyr Newydd | Amh | £50 |
| Rydych wedi cael eich trwydded yn ôl ar ôl iddi gael ei diddymu am beidio â’i rhoi i DVLA neu’r llys | Amh | Am ddim |