Talu Yswiriant Gwladol Dosbarth 2 os nad ydych yn talu drwy Hunanasesiad

Skip contents

Talu ar-lein

Gallwch dalu Yswiriant Gwladol Dosbarth 2 yn uniongyrchol drwy ddefnyddio’ch cyfrif banc ar-lein neu’ch cyfrif banc symudol os ydych yn byw ac yn gweithio yn y DU.

Bydd angen y canlynol arnoch:

  • eich manylion bancio ar-lein
  • y cyfeirnod 18 digid a ddangosir ar eich cais am daliad, a anfonwyd gan CThEF

Os nad oes gennych gyfeirnod 18 digid, a’ch bod eisoes wedi cofrestru gyda CThEF, cysylltwch â Gwasanaeth Cwsmeriaid Cymraeg CThEF.

Gall eich taliad gael ei oedi os byddwch yn defnyddio’r cyfeirnod anghywir.

Pan fyddwch yn barod i dalu, ewch ati i wneud y canlynol:

  1. Dechrau eich taliad Yswiriant Gwladol Dosbarth 2.

  2. Dewis yr opsiwn ‘talu drwy gyfrif banc’.

  3. Wedyn, gofynnir i chi fewngofnodi i’ch cyfrif banc ar-lein neu’ch cyfrif banc symudol er mwyn cymeradwyo’ch taliad Yswiriant Gwladol Dosbarth 2.

Fel arfer, bydd y taliad yn digwydd ar unwaith, ond weithiau mae’n gallu cymryd hyd at 2 awr i ymddangos yn eich cyfrif banc.

Cadarnhad o’r taliad

Nid oes angen i chi gysylltu â CThEF i gadarnhau bod eich taliad wedi dod i law.

Bydd yn ymddangos ar eich cofnod Yswiriant Gwladol. Gall hyn gymryd hyd at 8 wythnos.

Argraffu'r canllaw cyfan

Cynnwys cysylltiedig